14:14 21 апреля 2015 г.
Раççейре 2015 çула Литература çулталăкě тесе пěлтерчěç. Чăваш Республикинче чăваш литературине никěслекенěн, тăван литературăн чи çутă çăлтăрěн Константин Ивановăн çулталăкě тесе палăртрěç.
Чăваш поэзийěн классикě К.В. Иванов çуралнăранпа 125 çул çитнине халалласа Тушкильти ветерансен совечěн председателěпе Петрова Т.В. ваттисен çуртне кайрăмăр. Ватăсене К. В. Иванов кун-çулěпе тата «Вилěмсěр Нраспи» поэмăн кěске содержанийěпе паллаштартăмăр. «Силпи ялěнче» 1-мěш пайне поэт «Çуркунне» картинине сăмахпа сăнласа парать. Итлесе ларакансем перремěш классра вěреннě сăвва аса илчěç, пурте пěрле каларěç. Сăвă çăмăллăн вуланать. «Сарă хěр» сыпăкри Нарспие вăйă вăхăтěнче, тата кулленхи ěçне сăнсласа панине Надежда Семенова, ваттисен çуртěнче вăй хуракан, вуласа пачě. «Çимěк каçě» пайра Нарспипе Сетнер валак патěнче тěл пулаççě. Пěр сыпăкне Н. Камасева каласа пачě.
Çапла Константин Иванов мухтавлă хайлавě чăваш тěнчине çиçěм пек кěрсе сарăлать, чăваш чунне çутатса тăма тытăнать, пурин кăмăлне те килет, вăл вулаканăн чунне-юнне хускатать, халăх юратса вулакан хайлав пулса тăрать.
Поэт мул хуçисене, кил-йышри ирсěрлěхе, çамрăксен обществăри танмарлăхран килекен телейсěр юратăвне тата ыттисене те кăтартса панă. «Нарспи» поэмăри эпизочěсем картина çинчи пекех куç умне тухса тăраççě. К. Ивановăн ырă та аслă ячě чăваш халăхě хушшинче нихăçан та сÿнес çук. Унăн ěмěрě пит кěске пулчě. Анчах унăн произведенийěсем, уйрăмах Нарспи поэми чăваш халăхěшěн вилěмсěр.
Ватăтăсем кăмăллă юлчěç.
МБУК "Централизованная библиотечная система" Янтиковского района