07:36 23 сентября 2015 г.
Авăн уйăхĕн 22-мĕшĕнче Тăвайĕнчи ача-пăча библиотекинче тата музейра Борзова Римма Александрова пулса курчĕ. Вăл Александр Иванович Пермяковăн (поэт-фронтовик) Канаш хулинче пурăнакан аслă хĕрĕ пулать. Ашшĕ вăрçа тухса кайнă чух вăл виççĕре кăна пулнă. Римма Александровна, 46 çула яхăн, больницăра медсестра пулса ĕçленĕ, халĕ вăл тивĕçлĕ канура.
Вăл ашшĕн çыравĕсемпе, çемье архивĕнчи сăн ÿкерчĕксемпе паллаштарчĕ, ал вĕççĕн çырса пынă сăвăсен пуххине (5 альбом), çырусен пуххине (2 альбом) музейе асăнмалăх парнелесе хăварчĕ. Поэтăн ĕмĕрĕ кĕске килнĕ пулсан та унăн сăввисем халăхра пурăнаççĕ.
Сăвăç-фронтовик пултаруллăхĕпе çывăхрах паллашас тĕллевлисене ача-пăча библиотекинче хапăлласах кĕтетпĕр.
МБУК "Централизованная библиотечная система" Янтиковского района