Новости » Хыпар хаçата – 110 çул.

11:03 22 января 2016 г.

Оригинал

Чăваш халăхĕн пĕрремĕш хаçачĕ «Хыпар» хаçат тухма пуçланăранпа 110 çитрĕ. Вăл Раççейри чи ватă хаçатсенчен пĕри. Хаçата чăвашсен паллă ученăй-энциклопедисчĕ Н.В. Никольский никĕсленĕ, вăлах хаçатăн тĕп тĕллевне – халăхшăн ĕçлемеллине палăртнă. Çак юбилее халалласа январĕн 21-мĕшĕнче Эльпуçĕнчи библиотекăра калаçу сехечĕ ирттернĕ. Эльвира Витальевна пухăннисене хаçатăн историйĕпе паллаштарнă: унăн çутлăх ĕçĕнчи, чăваш журналистикипе литературине, культурине çĕклес ĕçри пысăк пĕлтерĕшне ăнлантарса панă. Калаçу вăхăтĕнче тĕрлĕ кĕнекери архив докуменчĕсемпе, ун чухнехи сăн ÿкерчĕксемпе анлăн усă курнă. «Хыпар – 110 çул» кĕнеке выставкипе паллаштарнă.

МБУК "Централизованная библиотечная система" Янтиковского района