09:10 22 апреля 2017 г.
Чăваш çырулăхне пуçараканě тата çутта кăлараканě Иван Яковлевич Яковлев çуралнăранпа апрелěн 25-мěшěнче 169 çул çитет. Çавăн пекех çак кун чăваш чěлхи кунне те уявлатпăр. Çавна май Тушкилти библиотекăра «Аслă патриарх кун – çулě йěрěпе» ятлă кěнекесен куравě йěркеленě, «И. Я. Яковлев – чăваш çырулăхне пуçараканě» альбом туса хатěрленě. Библиотекаь ачасемпе калаçу ирттернě, Яковлев кун – çулěпе паллаштарнă.
И.Я. Яковлев 1848 ç. хальхи Тутарстанăн Теччě районěнчи Кăнна Кушкинче хресчен кил-йышěнче çуралнă. Çуралсанах икě кунтан тăлăха юлнă ачана Кирилл Пахомовсем усрава илнě. Иван Яковлев ачалăхě çак килте иртнě. Сакăр çула çитсен Пăрăнтăкри удел хресчен шкулне лекет. Чăваш шкулěсен инспекторě пулса тăнă хыççăн, вăл Атăл тăрăхěнче чăваш тата ытти халăх шкулěсене уçма пулăшнă, чăваш шкулěсем валли вěрентÿ методикине çырса хатěрленě. XIXěмěрěн 70-мěш çулěсен пуçламăшěнче çěнě чăваш алфавичě йěркеленě.
Иван Яковлевич Яковлев ячĕ чăваш халăхĕшĕн яланах хисеплĕ те чыслă пулнă. Унăн чапĕ халăхсем хушшинче çултан-çул анлăрах сарăлса пырать. Чăваш хресченĕсем И. Я. Яковлева «çутта кăларакан», «ăс паракан», «пирĕн ырă çыннăмăр» тесе чĕннĕ, вăл уçнă шкулăн ĕçĕсене пысăка хурса хакланă.
МБУК "Централизованная библиотечная система" Янтиковского района