14:17 21 сентября 2021 г.
Авӑн уйӑхěн 14 - мĕшěнче Чӑваш АССР тава тивĕҫлě артисчĕ, пирěн сумлӑ ентеш Григорий Филиппович Филиппов ҫуралнӑранпа 95 ҫул ҫитрě. 1926 ҫулта вӑл Тӑвай районěнче Ватаяль ялěнче ҫуралнӑ. Шкул пěтернě хыҫҫӑн ҫамрӑк Саратоври Патшалӑх консерваторире чӑваш опера студийěнче вĕреннě. Вĕренсе пěтернě хыҫҫӑн республикӑра пуканесен театрěнче, ҫамрӑксен театрěнче, радиора ĕҫленĕ. Чӑваш академи драма театрĕнче 40 ҫул вӑй хунӑ. Паллӑ артист 100 ытла тĕрлě ытарлӑ сӑнар вылянӑ. Н. Айзманӑн «Кай-кай Ивана» - Хветěр рольне, Н. Терентьевӑн «Куккук ҫаплах авӑтать» - Вася рольне, П. Осиповӑн «Икě каччӑн пěр шухӑш» - Петĕр рольне, Ф. Шиллерӑн « Хаярлӑхпа юрату» - Фердинанд рольне, А. Островскийӑн «Хӑв пурӑнас килнĕ пек ан пурӑн» - Петĕр рольне калӑпланӑ. Рольсене вӑл ҫивĕч темпераментлӑ сӑнарсем кӑларнӑ. Унӑн сасси те хӳхĕм янӑранӑ. Паллӑ артист республикӑра спектакль кӑтартман пĕр ял та юлман пулĕ. Вӑл Вӑтаялен хисеплĕ гражданинĕ.
МБУК "Централизованная библиотечная система" Янтиковского района